Алматы маңындағы ұшақ апаты. Басты жаңалық

27 желтоқсанда Алматы маңында BekAir әуекомпаниясының ұшағы құлады.

Басты оқиғалардың хронологиясын жасап шығардық.

Материал толықтырылады.

07:05

Алматы — Нұр-Cұлтан бағытында ұшып бара жатқан самолёт радардан жоғалып кетті.

~ 07:22

Болжам бойынша бұл уақытта ұшақ құлады.

08:34

Алматы халықаралық әуежайы апат туралы хабарлама жариялады: «Бүгін Алматы — Нұр-сұлтан 2100 рейсімен келе жатқан Bek Air әуекомпаниясының борты жоспар бойынша 7:05-те ұшып шығып, радардан жоғалып кетті. Бортта 95 жолаушы, 5 экипаж мүшесі бар».

~ 08:40

БАҚ-та апат пен радардан жоғалған ұшақ туралы алғаш хабарлар таратылады. Интернетте оқиға орнынан түсірілген фотолар мен видеолар тарай бастайды. Фотоларда ұшақ фюзеляжы мен кабинаның жалғанған жерінің үзілгені байқалады.

Оқиға орнында ТЖД, РЖҚЖ, кинологиялық есеп қызметкерлері жұмыс істейді.

08:56

Азаматтық авиация комитетінің хабарлауынша, ұшу кезінде ұшақ көтеріле алмай, қоршауды тесіп, жеке секторда орналасқан екі қабатты үйге соғылды.

08:58

Қаза болған 7 адам туралы ақпарат пайда болады.

«Дереу құтқару жұмыстары басталды, өрт шыққан жоқ. Жолаушыларды және әуе кемесінің экипажын эвакуациялау жүзеге асырылып жатыр. Қазіргі уақытта қаза болғандардың саны — жеті» деп мәлімдеді Индустрия және инфрақұрылымдық даму министрлігінің баспасөз қызметі.

09:06

Жедел штаб құрылды

Шұғыл желі:

8 (7172)53-32-84.

АЛМАТЫ ОБЛЫСЫНЫҢ ТЖД:

8 (7282) 22-02-13, 22-02-18.

НҰР-СҰЛТАН қаласының ТЖД:

8 (7172) 24-52-12, 24-51-71, 24-51-47.

09:32

Қасым-Жомарт Тоқаев қаза тапқандардың туыстарына көңіл айтты және зардап шеккендерге көмек көрсетілетінін, ал қайғылы оқиғаға кінәлілер қатаң жазаланатынын мәлімдеді.

«Бүгін Алматы маңындағы жолаушылар ұшағы апатынан қаза тапқан адамдардың туыстары мен жақындарының қайғыларына ортақтасып, көңіл айтамын. Зардап шеккендерге көмек көрсетіледі. Апат себебін анықтау үшін арнайы үкіметтік комиссия құрылды. Кінәлілер заңға сәйкес қатаң жазаланады» деп жазды президент туиттер парақшасында.

09:36

Қаза болғандардың саны тоғызға жеткені туралы жаңа хабарламалар пайда болды. Олардың арасында алты бала бар. Зардап шеккендерді №4 қалалық клиникалық аурухана мен балаларға шұғыл көмек көрсету орталығына апарады.

~ 10:00

Оқиға орнынан түсірілген видеода құтқарушылар үйінділерді жинастырып жатқаны көрсетілген. Кадр сыртында «қалалық медициналық қызметтер қайда?» деп сұраған адамға, «олар жоқ» деген жауап естілді.

10:03

Әкімдіктің хабарлауынша, апат орнында ТЖД (30 адам және жеті бірлік техника), РЖҚЖ ММ (16 қызметкер және екі бірлік техника, бір кинологиялық есеп), АМО (4 қызметкер және 1 бірлік техника), ЖМК (35 қызметкер және 15 бірлік техника), ССА (10 қызметкер және 2 бірлік техника, 1 кинологиялық есеп), ДП (200 қызметкер және 20 бірлік техника), 12 жедел жәрдем бригадасы жұмыс істейді.

10:18

Зардап шеккендер мен қаза болғандардың тізімі жарияланды.

Қаза тапқандардың арасында:

Астанов Николой 1971 т.ж.

Хайдаров Р. 1940 т.ж.

Калиев Бауржан 1974 т.ж.

Карибаев Базархан 1974 т.ж.

Муратбаев Марат 1961 т.ж.

Нурбаев Абай 1982 т.ж.

Исина А.